Reconciliáevos coa terra,
coa pura espiritualidade
da materia que sinte, ama
e odia: só ela fai os altos,
fondos sentimentos humanos.
Comprendede e amade.
Dádevos, sen cortesías, á
forza que move o mundo,
á música acordada e visíbel
das esferas:
conduciravos
do mesmo xeito que o río
vai da mar ata o misterio:
único camiño que
vos pode levar a eternidade.
Compendio de orballos e incertezas (1991)
Ningún comentario:
Publicar un comentario