O Dolmen de Dombate
é unha cunca boaca abaixo
gardadora
dos versos de Pondal.
O Dolmen de Dombate
está feito
con pedras funerarias
erguidas cara á vida
como un home de pé
ou un carballo.
O Dolmen de Dombate,
tan á medida humana,
¡tan pequeniño!
O Dolmen de Dombate
é mao e colo tenro
para que nel se refuxie
o home cos seus medos
e os seus soños.
O Dolmen de Dombate
é o espacio xusto
para ollar pasar a vida
e agardar,
silandeiros e envisos,
a chegada da morte.
Versos do lume e do vagalume (1982)
Ningún comentario:
Publicar un comentario