Folerpas e coitas de amor

As folerpiñas de neve

van caendo moi livián.

E as rosas anque florecen

un día se murcharán.

As miñas coitas, amiga,

viñeron e non se van:

¡se foran como as floriñas

que un día se murcharán!

Viñeron as miñas coitas

para facerme penar:

tan soio ti, miña amiga,

as podes facer marchar.

Libro de cantigas (1955)

Como un asubío

O poeta de Outeiro de Rei fixo as súas achegas a moitísimos formatos poéticos; neste caso vai unha cantiga trovadoresca, moi próxima ás da lírica galego-portuguesa.

Aló xunto ao río,

miña branca amiga,

heiche dar un bico.

Heiche dar un bico

á beira do río

xunto á auga limpa.

Como un asubío

heiche dar un bico

á beira do río.

Libro de cantigas (1955)