xoves, 8 de outubro de 2015

Camiño do non ser

Rondó da canseira

Esta canseira que me esmaga o corpo
e cae como unha lousa sobre min
aniquilándome vontade e pensamento,
pechando os ollos meus a ese cachón
de luz que fai do mundo enteiro
unha amorosa paixón alucinada
e a razón máis poderosa para vivir:
¿non será un anuncio inaprazábel,
unha premonición certa e escura
advertíndome que todo é transitorio
e unicamente o non ser é a verdade?

Compendio de orballos e incertezas (1991)

Ningún comentario:

Publicar un comentario