xoves, 10 de marzo de 2016

O misterio da noite

Non debedes ferir
ese misterio branco
que levan os paxaros
nos seus pequenos beizos.

¿Non ollades aletexar
un misterioso medo
nas súas pálpebras longas, longas
lonxanas como o vento?

Non molestedes aos
pequenos paxaros: son
follas tenras, nacidas
unha longa noite de silencio.

Da penumbra
branqueada de vermello
caeron os seus chíos,
lentos, feitos de medo.

Advento (1954)

Ningún comentario:

Publicar un comentario