xoves, 10 de setembro de 2015

O trobador


Manuel María escribiu poemas moi diversos, tanto formal como tematicamente ao longo da súa traxectoria. Quedan aquí estes dous poemiñas na liña das cantigas medievais galego-portuguesas, que semellan unha regueifa amorosa entre dúas voces poéticas:

1

Dáme o teu silencio, amiga,
pra facerche unha cantiga,
¡ai amiga!

O teu silencio dourado
e alto como unha espiga,
¡ai amiga!

Hei facer unha cantiga
co teu silencio, que diga:
¡miña amiga!
5

¡Estar a soias contigo
entre unha leira de trigo,
meu amigo!

¡Estar a soias contigo
á sombra do verde pino,
meu amigo!

Escoita ben o que digo:
¡estar a soias contigo,
meu amigo!


Libro das cantigas (1955)

Ningún comentario:

Publicar un comentario