domingo, 5 de xuño de 2016

A luz do corazón

A única palabra verdadeira
que se escoita unha vez
en toda a vida:
                        aquela
que revelan os deuses
vaise adelgazando,
luíndose, perdendo a súa
imprecisa materia corporal,
facéndose lixeira,
translúcida,
in-mar-ce-sí-bel
até que se converte
en rosa, lúa, caravel
ou preciso salouco dun paxaro
que nos enche de luz o corazón.

Os lonxes do solpor (2012)

Ningún comentario:

Publicar un comentario