luns, 28 de novembro de 2016

Asubío

-Si.
-Si,
é un fráxil asubío
de cristal.
Non debes tocarlle,
que se quebra
ou pódese voltar
bágoa sinxela, ou neve;
neve pura, sen ventos
e sen chíos. Deixo só
co seu perfil de estrela clara.
Non lle toques:
pódese voltar eco solitario
e cecais o fas chorar
de señardade.
Anda quedo, non lle fales
que se pode
murchar o seu candor,
quedarse en nada.
Non o deixes voar nin ser
salaio.
Non.
Non: un asubío
non pode ser salaio.

Advento (1954)


Ningún comentario:

Publicar un comentario