O único amor espiritual
é o da carne.
Por eso sempre nós
nos amamos co corpo,
co desexo ardendo:
tal a brasa potente,
inextinguíbel da cerna
dun carballo centenario.
O desexo, incendiándose,
agallopaba por nós
furiosamente
como un poldro da grea.
Un corpo solitario
non ten senso:
é un pulo baleiro
para ninguén,
un berro desesperado
sen resposta.
Poemas da labarada estremecida (1981)
Ningún comentario:
Publicar un comentario