Celia Díaz titula así o seu último libro, cuxa historia ten lugar na contorna de Montefurado; Manuel María interpretaba o furado feito polos homes no monte en clave de ollos, como se pode ver na seguinte composición:
Canción de Montefurado
Montefurado é un monte
furado pola avaricia
da vella Roma imperial
que saqueou a Galicia.
Montefurado é un monte,
un penedo rexo e mouro
¡e garda a viva lembranza
dos buscadores de ouro!
Montefurado é un monte
que obrigou ao vello Sil
a dar un berro de dor
e camiñar máis baril.
Montefurado é un monte
furado polos romanos:
¡os seus furados son ollos
que semellan case humanos!
Cancioneiriño de Valdeorras (2016)
Ningún comentario:
Publicar un comentario