Monte de San Vicente do Pino
¡Triloxía da pedra cara á altura:
a vella Torre, o Pazo e o Mosteiro!
San Viecente do Pino anda á procura
de subir e subir e ser luceiro.
A Torre é un mastro que vixía,
unha reliquia viva do pasado,
un inútil garda da campía
e un vello soldado licenciado.
O Pazo é o pasado que se vai
senlleiro, triste, indiferente,
que esbroa calado, sen un ¡ai!
e morre sen remedio, lentamente.
O Mosteiro, en loita coas idades,
é a lenda da coroa queimadora,
vella historia de condes e de abades
e lema dos bieitos: "Ora e labora".
Cancioneiro de Monforte de Lemos (1991)
Ningún comentario:
Publicar un comentario