A fouce

Este poemiña musicado pódese atopar na recente reedición do disco Os soños na gaiola, de Suso Vaamonde, con debuxos de Antía Vaamonde, sobriña do cantautor.

A fouce

A fouce brila e rebrila

cando está ben afiada.

A súa brancura escintila

coma se fose de prata.

Corta silvas, corta herbas

sega o trigo e o centeo.

¡A túa feitura recorda

á lúa que está no ceo!

-Neno: ¡non toques a fouce!

¡Non toques súa folla fría!

-¡Non toques a fouce, neno

que a fouce te cortaría...!

Os soños na gaiola (1972)