Soño e máis amor

Outono é tempo das vendimas.

As uvas maduras, tentadoras,

tomaron o sol horas e horas

e lembran orballos e chorimas.

O vento baixa dende as cimas

con duras agullas feridoras

e as cubas, solemnes e señoras,

gardan, na adega, os seus enigmas.

Sé, Outono, soño e máis amor,

alédanos o gozo de vivir

a golpes de paixón e de furor.

Que a vida non deixe de sorrir.

Que a morte se faga só rumor

que mainamente peche o existir.

Poemas ao Outono (1977)