Compromiso

O autor de Outeiro de Rei manifestou o seu compromiso vital poeticamente en numerosas ocasións; esta composición dos seus últimos tempos exemplifica ben esa actitude:

Mentres corra polas miñas veas

o sopro máxico da vida

                                    estarei

firme e de pé como unha árbore

-freixo, carballo, bidueira-

para que se pousen en min

todas as tribos dos paxaros

e circule o sangue meu

con ritmo de chíos e cancións.

Nas miñas polas rumorosas

acollerei os ventos para que

me conten novas do seu peregrinar

polo largo mundo.

                                     Polas noites

recollereime en min e soñarei

contigo,

             acompañado e vixiado

pola luz cintilante das estrelas.

Os lonxes do solpor (2012)