A voz moura

A dura voz do vento na alta noite

cecais é

a voz da morte que me chama.

A voz do río no inverno

cecais é

a voz da morte que me fala.

A sorrisa da flor que me namora

cecais é

a sorrisa da morte a namorarme.

A voz moura que levo en min como

unha sombra cravada na conciencia

e que me dá medo escoitar

cando me fala

¡cecais é

a palabra fatal que me ha matar!

Camiños de luz e sombra (2000)